Nuay Dia Yo Hinde Contigo Ta Pensa

Desde’l dia yo conose contigo

tu lang el pirmi laman del pensamiento

masquin donde yo anda

pirmi yo ta acorda

el maga dia quando junto pa kita.

Ahora lejos ya tu neng aqui cumigo

hinde ya ta puede agara’l de tuyu mano

na tristesa ta vivi

dolor el ta sinti

resando era algun dia tu taqui.

Largo tiempo ya el ya pasa canatun mi amor

Quanto año ya nuay yo uhi cuntigo

Nusabe yo si ta acorda pa tu cumigo mi amor

Pero si tu pregunta quetal iyo ay contesta

Nuay dia yo hinde cuntigo ta pensa..

Ya sabe iyo cay tiene ya tu otro

Quando ya pruba iyo busca contigo

abrasando nuevo ya

contigo ahora ta vesa

como ulan el lagrimas ya empeza.

Ahora noche bolbe yo pensando syempre

Con el maga dia antes bien alegre

masquin duele precura

si pwede lang ay ulvida

de tuyu nombre na mi corazon bora.

Largo tiempo ya el ya pasa canatun mi amor

Quanto año yo ya espera cuntigo

Quanto año yo ya aguanta’l tristesa mi amor

Si pwede lang ase bira el tiempo junto pa kita

Hinde gat yo, cuntigo nunca yo deja.

Largo tiempo ya el ya pasa canatun mi amor

Quanto año ya nuay yo uhi cuntigo

Nusabe yo si ta acorda pa tu cumigo mi amor

Pero si tu pregunta quetal iyo ay contesta

Nuay dia yo hinde cuntigo ta pensa..

Posted on November 12, 2017 in Music

Share the Story

About the Author

Back to Top